O‘zbekistonda buyurtmalarni bajarish uchun ilova

Yandex Pro ilovasi haydovchiga daromadni nazorat qilish imkonini beradi. Buning uchun bosh ekranning yuqori oʻng burchagidagi surat ustiga bosing – reyting, mavjud tariflar va balans aks etgan profil ochiladi. Bosh ekranda qancha buyurtma bajarganingiz va bajarilgan safarlar uchun daromadingiz haqidagi maʼlumotlar aks etadigan summa ifodalangan kichik tugma mavjud. Qiymat har safardan keyin va har kuni yarim tunda yangilanadi. Har bir buyurtma boʻyicha batafsil maʼlumotni “Daromad” boʻlimida topishingiz mumkin.

Yandex Pro xizmati komissiyasi qatʼiy belgilangan va faqat tanlangan tarifga bogʻliq: safar narxi oʻzgarganda foiz oʻzgarmaydi. Xizmat hamkorlari oʻz komissiyalarini belgilaydi, shu bois taksoparkingizdagi hamkorlik shartlarini aniqlashtirib oling. Har ikkala komissiya buyurtma yakunlangach yechib olinadi, komissiya miqdori haqidagi axborot safar hisobotida aks etadi.

Yoʻlovchi naqd pul toʻlasa, siz yoʻl haqini darhol olasiz, shu sababli liniyaga chiqishdan oldin qaytimni tayyorlab qoʻying. Agar safar haqi karta bilan toʻlansa, yakunda “Safarni yakunlash” tugmasini bosing – daromad maʼlumotlari shaxsiy kabinetingizning “Balans” boʻlimida aks etadi. Pul mablagʻlarini toʻlash shartlari va muddatlarini hamkoringizdan aniqlashtirib oling.

Hamkorlik shartlari hamkorga bogʻliq. Liniyaga chiqish uchun bosh ekran pastki qismidagi “Liniyaga” tugmasini bosing va ilova buyurtmalarni qidira boshlaydi. Bu tugma ustuvorligingizni koʻrsatuvchi sariq doiraga aylanadi. Liniyadan chiqish uchun aylana ustiga bosing – “Band” holatiga oʻzgaradi va yangi buyurtmalar kelmaydi. Buyurtmalarni bajarishni profildagi “Chiqish” tugmasi orqali yakunlash mumkin, yana liniyaga chiqish uchun ilovani ochib, “Liniyada” tugmasini bosish kifoya.